Egyptian guys forum

We express honestly and openly about the reality of the Egyptian youth
 
الرئيسيةالرئيسية  البوابةالبوابة  اليوميةاليومية  مكتبة الصورمكتبة الصور  س .و .جس .و .ج  الأعضاءالأعضاء  بحـثبحـث  المجموعاتالمجموعات  التسجيلالتسجيل  دخولدخول  

شاطر | 
 

 حوار مع الاستاذة سجيارة شوف صحبتك بتقول اي ايه ؟؟؟؟؟؟؟

اذهب الى الأسفل 
كاتب الموضوعرسالة
rony
عضو جديد
عضو جديد
avatar

عدد المساهمات : 5
تاريخ التسجيل : 19/03/2010

مُساهمةموضوع: حوار مع الاستاذة سجيارة شوف صحبتك بتقول اي ايه ؟؟؟؟؟؟؟   السبت مارس 20, 2010 4:53 pm

نداااااااااااااااااااااااء لكل اللى بيشرب سيجااارة

اسمعوا صاحبتكم بتقول اييييه؟؟؟؟

حوار مع السيدة سيجارة

المذيعة : بعد السلام نقدم لكم ضيفتنا التى تدخل بيوتنا برضانا او رغما
عنا فنرى حملها صفارنا وكباارنا ...نراها بعدة اشكال والوان ولها عدة
نكهات ..ضيفتنا الحارقة ...نقدم السيجارة فاهلا وسهلا

السيجارة: شكرا ....شكرا على الترحيب دة وانا مشتاقة اوووى لكل حبايبى
اللى مش يقدروا يستغنوا عنى بتلاقيهم يسيبوا نومهم علشانى وبعضهم بيلموا
بقاياى من النفايات ومش بس كدة دة انا كمان اقرب للمرء من زوجه

المذيعة: يا خرابى عليكى وبتعملى الاغراءات دى ازاى؟؟؟

السيجارة: هههههههههه دايما بعمل نيولوك وبظر باشكال راائعة وجذابة وبكل النكهات علشان تناسب الكل الكبير والصغير الطويل والقصير
فهما بيشيلونى معاهم فى كل الاوقات
فانا واعوذ بالله من كلمة انا باجيد فن الخداع



المذيعة:واييه هدفك من كل دة ؟؟؟



السنيورة السيجارة:اهدافى كتييييييييييييييير ادمر حياتك ...... وصحتك على
قد ما قدر من قلب ورئة وغيره وانا كمان اغلى من كل دوول دة انا كنز
هااااااااااا هاااااا



المذيعة: كنز !!!!؟؟؟؟ ليه يا اختى ان شاء الله؟؟؟؟


السيجارة: الكل عاوز يستخدمنى حتى لو سعرى غلا جامد بيقدمونى فى حفلاتهم
الكبيرة دة طبعا بغض النظر عن ريحتى المعفنة واثارى السلبية على الكبير
والصغير والمريض والكويس فانا اهم علبة ايه انتى متعرفيش؟؟؟

دة انا اهم من علبة اللبن ومن رغيف العيش

وبالرغم من انهم مهمين

دة انا بتحكم في ارواحهم زى ما بيتحكم السيد فى عبيده

وكمان مش مضايقين من رائحتى اللى زى الزفت ولا من اللى بعمله من امراض
فنانا واوذ بالله من كلمة انا (لا اعوذ بالله منك انتى يا شيخة) دة انا
اول حاجة ما بتصحى من نوم بتشم عطرى اللى طبعا زى الزفت وقبل ما بتنام
بتقرا قصيدة حب بشفايفك عنى لحد ما تصحى

المذيعة: وحضرتك بقى ( واعوذ بالله من حضرتك) ايه مبداك؟؟؟

السيجارة: انا طبعا وبلا فخر (واخدة فنفسها مقلب طبعا) بشيل ثانى اكسيد
الكربون اللى بتعشقه الخلايا اكثر من الاكسجين فتمتصه وتتلذ به وبعيش فى
خلايا اللى يحبنى و وبنيم الشعيرات الدموية اللى بتطرد الاوساخ من الرئتين


المذيعة: وتقولى ايه للى قال انك مخربة؟؟؟

السيجارة: هههههههههههه مخربة؟؟؟؟ لا طبعا انا بريئة من الموضوع دة لو
اتحرق بيت فصاحبتى النار بتقوم بالواجب وبتدارى عليا فى انى السبب فاحنا
طبعا متفهمات وبنعمل بكل حيوية ونشاط ...اه على حبيبتى المخلصة النار



المذيعة: وسيادتك بقى شايفة ان فى حد بيحبك رغم البلاوى دى كلها؟

السيجارة: اه طبعا ...وبدون شك الدليل يا حبيبتى

المصانع اللى بتصنعى بتزيد يوم بعد يوم ودة بيسبب ليهم ثروة كبيرة اوووى

المذيعة: تعليقك قى ايه على اللى يقول انك بينطبق عليكى المثل دة(تقتل القتيل وتمشى فى جنازته) ؟؟؟؟



السيجارة: مثل جميل بل مفضل ليا لما واحد يموت بسبب النيكوتين اللى موجود
فى اوراقى ومش بيتكتب على شهادة الوفاة (مات بسبب التدخين ) بل مات لاسباب
طبيعية وبكدة محدش هيذكرنى ابدا وممكن كمان يظهر عليه قبل وفاته امراض مثل
السرطان والسعال والذبحة الصدريةاللى طبعا انا بسببها ...هههههههههههه

اللى مضحكنى بقى ومفطسنى من الضحك انه اثناء الجنازة بتلاقى اصدقاء
واقرباء المتوفى اللى ورثونى شايلينى وبيخففوا حزنهم بيا
هههههههههههههههههههااااااااااااااااااااههههههههه

تخيلى ؟؟؟؟ !!!!


المذيعة: وفى حد بقى اشتكى من سيادتك؟؟؟؟

السيجارة: اعوذ بالله!!! ايه اللى انتى بتقوليه دة وهو فيه حد يقدر اصلا
دة هما بيثبتوا اخلاصهم ليا لما يشربوا قدام ولادهم واباهتهم دوول بيضحوا
بكل حاجة علشان سواد عيونى دول بيضحوا بصحتهم وصحة عيالهم ... وكمان الفقر
اللى بيحصل لما يشترونى تلاقى سنانهم صفراء وريحتهم طبعا زى الزفت ومع كدة
انا صديقة وفية ومخلصة وقت ما يحتاجونى بيلاقونى

المذيعة: وايه اوحش كابوس فى حياتك ؟؟ وممكن يدمرها؟؟

السيجارة: التخلص منى و من اغرائاتى وخصوصا بالطرق الاسلامية ونشرات
التوعية بين الشباب وتلاقى واحد واعى مثقف يجى يهد اللى بنيته ويحوش منى
عرق جبينى

دة مش بس بيدمر حياتى دة بيقتلنى

المذيعة: عند سيادتك بقى كلمة اخيرة توجهيها لكل مدخنينك؟

السيجارة: طبعا........ طبعا الى كل احبابى انا طبعا سعيدة جدا جدا وبتمنى
انكم تزودوا عدد اصحابى دة انا ههتم بيكم اكتر من اى حد تانى وهظبطكم تمام
يعنى وورثونى لكل احبابكم واولادكم ولكم منى كل ااحب ( بل كل القرف)

هااااااااااااااااااااااا يا شباب بعد الحوار اللى دار علشان تعرفوها على حقيقتها لسة بردوه متمسكين بيها؟؟؟

لسة بتحبوها

سيبوها بقى علشان خاطر ربنا

ادعوووووووووا لبابا انه يبطلها
الرجوع الى أعلى الصفحة اذهب الى الأسفل
احمد المصرى
مدير عام
مدير عام
avatar

عدد المساهمات : 161
تاريخ التسجيل : 10/11/2009
العمر : 26
الموقع : القاهرة

مُساهمةموضوع: رد: حوار مع الاستاذة سجيارة شوف صحبتك بتقول اي ايه ؟؟؟؟؟؟؟   الأحد مارس 21, 2010 4:57 am

انا بقرا الكلام دا و السجارة فى ايدى بس محوقش هههههههههههههه

ربما انا معنديش دم و ربما انا سمعت كلام مشابه قبل كدا زيو كتير

المشكلة حتى لو واحد اتأثر هيبقى التأثير اللى وقع عليه لحظى حلو انما هو مش هيعرف يستحضر الفكرة دى او الحوار دا فى كل وقت هو بيولع فيه سجارة

لن يقلع المدخن عن التدخين بقصص المدخن يقلع عن التدخين برغبة ارادية قوية من داخله

جزاكِ الله خيراً

و سلام الله عليكِ و على الجميع
الرجوع الى أعلى الصفحة اذهب الى الأسفل
http://elraeq.mam9.com
بلا اسم
عضوة مميزة
عضوة مميزة
avatar

عدد المساهمات : 222
تاريخ التسجيل : 16/11/2009

مُساهمةموضوع: رد: حوار مع الاستاذة سجيارة شوف صحبتك بتقول اي ايه ؟؟؟؟؟؟؟   السبت أبريل 17, 2010 8:28 pm

موضوعك جميل يا رونى
و للاسف زى ما احمد بيقول ناس كتير عارفه مضارها و اذاها لكن اتعودوا عليها

الحمد لله ان البنات و السيدات النسبه الاكبر منهم مش بيدخنوا
ربما لانهم مش متعودين او احنا كمجتمع مش بنفضل شكل البنت بسيجاره فى فمها اوو لخوف البنت على اسنانها
ايا كانت الاسباب فالحمد لله وحده .

لكن ان عن نفسى بقول ل كل واحد فكر ان تمن السيجارة دى ممكن يطعمه فى فم طفل يتيم او فى انه يبدل تمن علبه السجاير بعلبه لبن او بسكوت لطفل محتاج
اظنه ممكن يحتقر الجنيه اللى حيخرج لشرا سيجارة بدل ما يشترى فعلا شئ لطفل محروم

فى اطفال كتير محرومين بمعنى كلمة حرمان و محرومين من حاجات بسيطه جدا زى باكو شيكولاته او بسكويت
و انت بتحرق تمن الاشياء دى فى صورة سيجاره
جرب تعوض حرمان محروم بنفس الثمن اللى بتحرق فيه صدرك و فلوس
الرجوع الى أعلى الصفحة اذهب الى الأسفل
 
حوار مع الاستاذة سجيارة شوف صحبتك بتقول اي ايه ؟؟؟؟؟؟؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Egyptian guys forum :: الـمـنـتـدى الـشــبـــابـى الــعـــام-
انتقل الى: