Egyptian guys forum

We express honestly and openly about the reality of the Egyptian youth
 
الرئيسيةالرئيسية  البوابةالبوابة  اليوميةاليومية  مكتبة الصورمكتبة الصور  س .و .جس .و .ج  الأعضاءالأعضاء  بحـثبحـث  المجموعاتالمجموعات  التسجيلالتسجيل  دخولدخول  

شاطر | 
 

 العلاقة بين الرجل و المرأة

اذهب الى الأسفل 
كاتب الموضوعرسالة
احمد المصرى
مدير عام
مدير عام
avatar

عدد المساهمات : 161
تاريخ التسجيل : 10/11/2009
العمر : 26
الموقع : القاهرة

مُساهمةموضوع: العلاقة بين الرجل و المرأة   الخميس فبراير 04, 2010 8:52 pm

بسم الله الرحمن الرحيم

اخوتى الكرام نأتى بموضوع انا عن نفسى بعتبرو موضوع هام حلو مثير
العلاقة بين الرجل و المراة
معتقدش ان احدنا مش محتاج للموضوع دا مش اللى انا بكتبو بس الموضوع نفسو

انا بأمانة مش عارف ابدأ منين بس انا بفكر ان انا ابدأ بشوية اسئلة و بعدين اجاوب عليها انا برضو كنوع من انواع الجنون

1\ من منهم اجدر بالسيطرة على مجريات الامور داخل المجتمع المعاصر ؟
2\ من منهم يحتل مكان اقوى من الاخر فى الامور العاطفية ؟
3\ متى يسيطر و متى تسيطر ؟
4\ من منهم اكثر تحملاً للمسئولية و اكثر دقة فى التنفيذ ؟
5\ ما هى كيفية تنسيق علاقة سليمة ؟

اصدقكم القول انا فى الغالب مش هبقى مع الرجالة اوى فى الموضوع دا او محدش عارف على حسب مجريات الامور فى الكتابة معايا لان معظم الموضوع مرتجل انا كل اللى مخزنهم هما حوالى ست جمل

نبص مثلاً لاول سؤال نقتدى فيه بحديث الرسول صلى الله عليه و سلم بقوله الرجال قاومون على النساء و فى حديث اخر لعن الله قوماً ولو امرهم امرأة صدق عليه السلام
بس هنا طبعاً لم يحدد فيه مدى القوامة او تولية الامر بس هنا طبعاً بنلاقى ان للرجالة دور كبير فى المجتمع المعاصر و بالذات فى المناصب العليا عشان كدا الستات مش بيسرقو لان هما مش موجودين فى المناصب العليا هههههههههههههه انا مش عارف ايه اللى دخل دى فى الموضوع بس المهم ان انا طبعاً بنادى بتقويم دور المرأة اكتر من كدا فى المجتمع و ان هى تحتل الكثير من المناصب العليا دا مش غلط من وجهة نظرى انا اها بالنسبة للبيت بقى احنا عندنا انا من وجهة نظرى فى البيت الامر مش مستتب اوى يعنى نقسمهم لكام حالة كدا :
1\ الراجل و الست قاعدين فى البيت : طبعاً هنا بيبقى الاجدر ان الراجل يمسك البيت .
2\ الراجل برا و الست جوا : هنا الست تمسك البيت افضل طبعاً لانها بتكون على دراية اكبر منو بالبيت و الاولاد و احتياجاتهم .
3\ الاتنين برا : برضو الست لان هى برضو اللى بتكون عارفة الحاجة بتاعت البيت و العيال بيحبو ايه و بيكرهو ايه .
السيطرة اللى المفروض تكون للست هنا هى طبعاً ادارة البيت و مفيش مشكلة لما تمسك حتى مصروف البيت و بالذات لو كانت منوفية زى هى هتقتصد اما بالنسبة للعلاقات الخارجية طبعاً و الحاجات اللى هى المفروض فيها قرار حاسم تبقى للراجل معلشو انا اسف طولت فى السؤال دا .

نيجى بقى للسؤال التانى و المختص بالامور العاطفية طبعاً انا برضو هنا من وجهة نظرى ان الموقف بيختلف و فى كذا حالة زى :
1\ اخوات : برضو دى بتنقسم لحالتين :
ا\ هى اكبر : هنا هى بتبقى الحالة على حسب الاخت طبعاً فى اغلب الاحوال بتكون العاطفة عندها قوية شوية و بتحبو من ناحيتو هو نتيجة صغر سنو بيحاول فى بعض الاحوال يثبت رجولته عليها و اقسم ان انا معملتش كدا بس يعنى انا شوفتو .
ب\ هو اكبر : هنا بتبقى العلاقة برضو على حسبو هو اذا كان تربية شوارع بتلاقيه بيضرب فى البت على طول و قرفان منها بس هو بيحبها طبعاً .
نيجى بقى للحالة التانية اللى هى بعد الاخوات
2\ الام و الابن و البنت و ابوها : طبعاً دى مش هنتكلم فيها كتير احنا عارفين ان الام عواطفها جياشة اوى ناحية ولادها و برضو الاب بيكون حبه قوى ناحية بنتو .
3\ طبعاً دى الاهم ها ؟ هههههههههههه ماشى ماشى
هى العلاقة العاطفية بين اتنين لا يربطهم دم او ممكن يكون يربطهم يعنى المهم ان هى وصلت و خلاص هنقسمها لكام حاجة انا مش عارف هما كام بس يالا على حسب التساهيل ( الله يسامحو اللى شار عليا ان انا اكتب الموضوع الكيبورد باظ و انا دلوقتى بكتب على كيبورد جديد اتعطلت يوم يعمل حسابو بقى يحول حق الكيبورد الجديد على حسابى فى البنك )
1\ العلاقة بين اتنين بالطريقة التقليدية او هيتجوزو بالطريقة التقليدية طبعاً انا شايف ان دى بتبقى مشاعر الحب فيها مش قوية اوى و ممكن العلاقة تقوى بعد الجواز و فى الغالب فى مجتمعنا الشرقى دا بيكون الراجل هو المسيطر على العلاقة دى .
2\ العلاقة بين اتنين مفيش بينهم سابق معرفة : طبعاً احنا هنتكلم على اساس ان هما هيتجوزو انا معرفش بقى انتو نيتكو ايه بالظبط عموماً فى بداية العلاقة بتكون البنت هى المسيطرة و بالذات لو كانت عذرا يعنى بالذات لو كانو اتنين شباب صغيرين طبعاً دا فى البداية بعد كدا لو العلاقة استمرت مدة و دى الحاجة اللى احتمالها قليل و انا هقول ليه فى اخر الموضوع ممكن بعد كدا فعلياً لو الراجل شخصيته قوية بتكون الامور فى ايدو هو و بالذات لو فى حاجة قوية هى متعلقة بيه بسببها .
انا اجد هنا بصراحة فى نقطة البداية فى العلاقة بين الاتنين ان احياناً النساء تجد ما يقرب الى لذة شيطانية لهزم الرجال و دا طبعاً هتأكدو الردود .

نيجى بقى لتالت نقطة و اللى انا خت منها شوية فى التانية المهم ان هنا كل الحاجة اللى انا عايز اكلم عليها هى النظرة الاولى بالذات اظن ان فى النظرة الاولى بالذات بين الرجل و المرأة هى اللى بتحدد انهى فيهم اقوى فى الغالب بتكون المرأة هى الاقوى و دا هفسر سببو يمكن فى النقطة الجاية

نبص بقى و ندقق فى النقطة دى اوى عشان دى مهمة بالنسبة ليا اللى هو السؤال الرابع
انا عايز ندقق فى النقطة دى شوية او مش شوية انا عايز ندقق فى النقطة دى كتير
بنشوف الست فى معظم الاحوال بتروح السويقة كتير و بترجع و مش بتجيب حاجة الراجل مش بيروح السويقة الا لو كان عايز يشترى حاجة و بيشتريها باقصى سرعة و بيرجع هل دا يعتبر دليل على التفاهة ؟
نبص فى العلاقات الراجل معندوش اى مانع ان هو يخش فى اى علاقة فى اى وقت مع اى واحدة المرأة لا طبعاً انا مش بعمم فى حاجات عكس اللى انا قولتو بس اللى انا قولتو دا اللى بيحصل فى معظم الاحوال
نبص تانى مرة الراجل بينزل الشغل و الست بتقعد فى البيت بيرجع بيلاقيها بتجهز اكل و بترضع العيل و ممكن تكون بتكلم فى التليفون التلاتة فى وقت واحد و تيجى تقولو دا بتاع النور جيه و مش عارف ايه حصل و ايه ايه و هو يرد يا ست ارحمينى
عندنا هنا تلت حاجات فوق بتاعت الاولى و التانية انا بستنتج منهم ان الست اكثر مسئولية فى تصرفاتها من الراجل و دى من اهم الحاجات اللى بتوضعها فى موضع الصدارة فى مجتمعنا الشرقى علاوة على التقاليد طبعاً الحاجة التالتة بقى هى ما تثبت ان الست تقدر تعمل كذا حاجة فى نفس الوقت بينما الراجل محتاج فترة راحة بين كل حاجة و التانية
طبعاً النقطة دى ارجو ان انا اكون تفاديت بيها بعض النقد اللى انا كنت هاخدو

نيجى بقى لاخر نقطة و دى طبعاً المهمة اللى هى بتتمركز حول السؤال الخامس طبعاً انا قولت فوق ان العلاقات اللى فى سن صغير فى اغلب الاحوال بتكون فاشلة و قولت ان انا هفسر الكلام دا فيما بعد
انظر حولك يا صديقى اوعى تكون بصيت وراك هههههههههههههههه
هنلاقى ان معظم العلاقات اللى بتنشأ فى سن صغير بتعتبر علاقات فاشلة و دا اللى احنا بنشوفو حولينا حلو حلو حاجة تانية احنا كنا بندرس فى الثانوية العامة المانى كان اعلى درجة فى الامتحان على سؤال اسمو لاندسكوندى يعنى حضارة كنا بندرس حضارة المانيا يمكن البعض منكو يفتكر الكلام دا بس المهم ان احنا من ضمن الحاجات الثانوية اللى درسناها و مكنتش بتدخل فى الامتحان ان معظم الشبان ممعهومش غير اب او ام السبب فى كدا ان الشاب و هو صغير بينفصل عن اهلو فى بدايةً من سن 14 كدا محدش بيقعد مع اهله و بيكون 18 سنة حلو و نتيجة دا بتلاقى معظم الشباب بيدخلو فى علاقات مع البنات و بيتجوزو نتيجة عدم تحمل المسئولية فى السن دا بينفصلو فى معظم الاحوال طبعاً فى واحد دلوقتى بيقول انا كفأ ان انا اقدر اشيل علاقة و فى بنت كمان ممكن تكون بتقول كدا بس المهم ان كلو بيقول فى كدا فى الاول و دى حقيقة
بصو استمرارية العلاقة فى المقام الاول بتقف على مدى التضحيات اللى ممكن يقدمها كل شخص للتانى و مدى رغبتهم فى استمرار العلاقة .

مش عارف ان كان فى حاجة انا نسيتها و لا لا بس مش مهم لو فى حاجة نستها قولولى عليها و انا هقول رأيى فيها و متنسوش تقييمو الموضوع و اللى عليه حق الكيبورد عارف نفسو مينساش يحول الفلوس على حسابى .

يا رب يكون موضوع كويس انا هرفعو دلوقتى و انا خايف

احمد المصرى
الرجوع الى أعلى الصفحة اذهب الى الأسفل
http://elraeq.mam9.com
بلا اسم
عضوة مميزة
عضوة مميزة
avatar

عدد المساهمات : 222
تاريخ التسجيل : 16/11/2009

مُساهمةموضوع: رد: العلاقة بين الرجل و المرأة   الجمعة فبراير 05, 2010 12:14 am

موضوعك مهم لكن مش حقدر اجاوب على كل الاسئله زيك و الا ابقى بكتب موضوع تانى
لكن انا حقول حاجه
النساء شقائق الرجال ده حديث المصطفى عليه الصلاة و السلام و للاسف اى مشاكل عصريه بين الرجل و المرأه لم تكن على عهد المسلمين الاوائل لان قراننا و كتابنا لم يميز بينهم
بالعكس اعطى للمرأه كامل حقوقها اللى للاسف اعتبرها اتسلبت منها
زى المهر مثلا او تكوي بيت الزوجيه اللى شرعا مفروض هى ماتشاركش فى اعداده و كفاله الزمه الماليه لها اللى للاسف ناس كتير مش مقتنعه بيه يمكن فى زوجات كتير مالهمش مصروف من ازواجهن رغم انه حقها وو يمكن تبدو اغلبها حقوق ماديه
لكن حق المراه فى التعليم و ابدا الراى لم يتركه الاسلام فالحديث السابق يشمل كل معانى الحياه
يمكن ربنا رحمها من الجهاد حمايه لها و صون لها لانها ممن تكونعرضه لاسر او ايذاء و ده تشريف لها رحمة بها
يعيب حياة البيت بقى ان الزوجهه الغير عامله لا تشعر بمد تعب الراجل فى شغله و فى زحمة الماصلات و ضغوط العمل طبعا مش كل الستات لكن فى تير و برضه معذورين لان قعدة البيت ممله و ما بتصدق تفتح حوار معاه و طبعا هو مش ناقص كلمه ه عايز يرتاح
بجد رحم الله الرجل و الست فى زماننا لان الزمن مليان ضغوط على الانسان
و انا سمعت تفسير عن القوامه للشيخ شلتوت الله يرحمه
ان القوامه على الست اللى محتاجه قوامه و تعديل فى سلوكها و لكن على القانتات الصالحات فلا قوامه هذا و الله اعلى و اعلم تفسيره و سمعته بالقران الكريم و طبعا التفسير عاجبنى

و مفيش حد بيرفض اوامر الله فى طاعه الله و الزوج و الاب و لكن بانهم لا ينسوا الرحمه و العدل فى التعامل مع الزوجه و الابنه و الام
وزى ما بيقال اذا اردت ان تتزوج كفاطمه ............ كن انت كعلى
اسفه انى طولت فى الرد .......مشكور يا احمد على الموضوع
اللى ديما شاغل بال حواء و ادم
الرجوع الى أعلى الصفحة اذهب الى الأسفل
ضى القناديل
عضو جديد
عضو جديد
avatar

عدد المساهمات : 16
تاريخ التسجيل : 30/01/2010
العمر : 107

مُساهمةموضوع: رد: العلاقة بين الرجل و المرأة   الجمعة فبراير 05, 2010 8:40 am

بسم الله
اهنئك على حسن اختيار الموضوع فهو وكما ذكرت ارض خصبه للحوار
ولكن جانبك الصواب فى بعض تقديراتك للمراءه ارجو لا تعتبر ردى نوع من الانحياز للمراءه وان كنت اراه انحياز مبررا ولا ارى الانحياز الذكورى ضدها بالمبرر
فياسيدى لم يذكر القارن الكريم لفظ ذكر وانثى الا فى امور خاصه بالتشريع او بالميراث او الجهاد ماشابه اما فى ما بقى فيذكر المولى عز وجل لفظ يابنى ادم او ياايها المؤمنون او ---- الى ما هنالك من لفظ لا يفرق بين ذكر وانثى
ولكن طالما يخشى الرجل من المراءه وطلما تؤرق نومه فكره المساواه فى الحق الذى وهبه الله للمراءه وسلبه هو
واذكرك لو سيطر فرعون على اسيا ما كبر موسى وهدى
لو سيطر اهل سبا على بلقيس ما امنت
لو سيطر بجاد على شيماء لاصبحت من الهالكين
لو لم تثبت السيده صفيه بنت عبد المطلب شجاعه تفوق حسان بن ثابت لهلكالمسلمون
لو لم تعى شجرة الدر ما يدور حولها لهلكت الامه
لو لم تقف خديجه وارء محمد لضاع الدين
لم اذكر فى التاريخ حديثه او قديمه امراءه تماثل ابا جهل فى ضلاله
ولم يذكر الذكر الحكيم احدا ضل واضل كفرعون وهامان وقارون
فالعجب كل العجب الحكم فى المطلق
ارجو ان نذيب الجدار الشائك بين الذكر والانثى فليس الانسان بالنوع والجنس فالمرء موقف
لو لم اكن امراءه لو ددت ان اكون امراءه
واختم بقول الحق سبحانه وتعالى
انا خلقناكم من ذكر وانثى وجعلناكم شعوبا وقبائل لتعارفو ان اكرمكم عند الله اتقاكم
صدق الله العظيم
اتقاكم وليس لذكرانكم او نثاؤكم
احسنت Very Happy
الرجوع الى أعلى الصفحة اذهب الى الأسفل
الجزار
شخصية ذات اهمية
شخصية ذات اهمية
avatar

عدد المساهمات : 114
تاريخ التسجيل : 10/12/2009
العمر : 30
الموقع : بورسعيد

مُساهمةموضوع: رد: العلاقة بين الرجل و المرأة   الجمعة فبراير 05, 2010 7:05 pm

بسم الله الرحمن الرحيم

بص اخى احمد وحبيبى Wink

الموضوع فى غايه الروعه بس بجدانا مشماك فى بعض الكلمات الا وهى

الولد الى بيدرب البنت على طول ا غلط اوك

والى الست تمسك المصروف مش هينفع ليه لانها تخلصو على طولعليها وعلى الاولاد ومش هتخلى حاجه affraid

ومش هطول عليكوو بجد بس واللهموضوع رائع ويستاهل 9من 10

شكرا على موضوعك وعلى ردود اخواتى

تقبل مرورى

_________________
مفيش اجمل من انك نفيد وتستفيد

البور الجزار سعيدى
الرجوع الى أعلى الصفحة اذهب الى الأسفل
http://roohy2010.yoo7.com
عيون الورد
عضو نشيط
عضو نشيط
avatar

عدد المساهمات : 51
تاريخ التسجيل : 14/12/2009

مُساهمةموضوع: رد: العلاقة بين الرجل و المرأة   السبت فبراير 06, 2010 7:59 am

بصراحه الموضوع كبير وعايز له صفحات مش بس سطرين نكتب عنه ..
بس باختصار شديد ربنااا حد لكل واحد دوره في الحياه...
ومحدش يتعدى على دور التاني ولا هتختلف الموازين...
انا اشوف مهما راحت المراه او وصلت لاعلى المناصب ملهاش غير بيتها وزوجهاا وتربيه عيالهاا
لان الله صانهااا وحماهاا بان جعل الرجل هوه المسؤال عنهااا
بس دا ميمنعش انها تساعد زوجها في معترك الحياه وتساهم باي دور تاني خارج عن دورهااا كام وزوجه مثلا تشتغل يعني عشان تساعد في مصروف البيت ..

النقطه التانيه : المراه اكتر عاطفه من الرجل وقلبهاا احن من قلبه بكتير لذلك ربنا جعلها ام لانها احن من الرجل وربي اهلهاا لدورها دا عشان تعرف تراعي بيتها وعيالها وتكمل دور الرجل في كونه مش هوه اللي قاعد ممع ابنائه طول الوقت لانه بيكون في عمله ( احس اني مش عارفه ارتب افكاري وبكتب بعفويه عذرا لو اتلخبط بس يارب تفهموني ) Embarassed

حاجه تانيه لكل واحد من الراجل والست مسؤوليه مهمه في الحياه العائليه يعني كل واحد ليه دوره والمطلوب منه ... مش هفسر اكتر من كدا لاني بجد توهت في الموضوع ومش عارفه الم افكاري لان بجد الموضع كبير وانا مش قده بس حبيت امر مرور الكرام

وياريت يا احمد تبطل تكتب في الواضيع الكبيره Mad

بالتوفيق دائمااا

اختك عيون الورد
الرجوع الى أعلى الصفحة اذهب الى الأسفل
احمد المصرى
مدير عام
مدير عام
avatar

عدد المساهمات : 161
تاريخ التسجيل : 10/11/2009
العمر : 26
الموقع : القاهرة

مُساهمةموضوع: رد: العلاقة بين الرجل و المرأة   الثلاثاء فبراير 23, 2010 2:38 pm

بسم الله الرحمن الرحيم

طبعاً دا يعتبر من المواضيع الشائكة و اللى انا ارتكب نسبة من الخطأ فى الدخول فيها و طبعاً انا خت جزائى لان محدش قرا و موجهش نقد

نستعرض وجهة نظر اخرى غير وجهة نظرى يمكن دى تقنع

حقوق المرأة


هل تتساوى المرأة مع الرجل في الإسلام؟
• يعلم الإسلام بأن الرجل يتفوق على المرأة.

"ولهن مثل الذي عليهن بالمعروف وللرجال عليهن درجة... "
سورة البقرة 228:2



في أي المجالات لا تتساوى المرأة مع الرجل في الإسلام؟
• يعلم الإسلام بأن المرأة تقل عن الرجل في مجالين على الأقل.

أولا: في الإرث: فنصيب المرأة هو نصف نصيب الرجل.
"يوصيكم الله في أولادكم للذكر مثل حظ الأنثيين".
سورة النساء 11:4

ثانيا: في الشهادة: فشهادة إمرأتين تساوي شهادة رجل واحد.
" ...واستشهدوا شهيدين من رجالكم فإن لم يكونا رجلين فرجل وامرأتان ممن ترضون من الشهداء".
سورة البقرة 282:2


ما هو وضع المرأة بالمقارنة بزوجها في الإسلام؟
• يعتبر الإسلام الزوجة متاعاً.

"زين للناس حب الشهوات من النساء والبنين والقناطير المقنطرة من الذهب والفضة والخيل المسومة والأنعام والحرث ذلك متاع الحياة الدنيا والله عنده حسن المآب".
سورة آل عمران 14:3

• يعتبر الإسلام المرأة غير طاهرة؛ فإذا لمس رجل امرأة (حتى لو كانت زوجته) قبل الصلاة، فإن هذا يبطل وضوءه، ويعتبر غير طاهر للصلاة.

"يا أيها الذين آمنوا لا تقربوا الصلاة وأنتم سكارى حتى تعلموا ما تقولون ولا جنباً إلا عابري سبيل حتى تغتسلوا وإن كنتم مرضى أو على سفر أو جاء أحدكم من الغائط أو لمستم النساء فلم تجدوا ماء فتيمموا صعيداً طيباً فامسحوا بوجوهكم وأيديكم إن الله عفواً غفوراً". سورة النساء 43:4 - أنظر أيضا سورة المائدة 6:5



ما هو مدى سلطة الرجل على المرأة في الإسلام؟
• يعلم الإسلام أن من حق الزوج أن يعاقب زوجته. ومن أنواع العقاب المسموح به هو ضرب الزوجة والامتناع عن المعاشرة الجنسية معها.

"والتي تخافون نشوزهن فعظوهن واهجروهن في المضاجع واضربوهن فإن أطعنكم فلا تبغوا عليهن سبيلا إن الله كان علياً كبيراً".
سورة النساء 34:4

" للذين يؤلون من نسائهم تربص أربعة أشهر فإن فاءوا فإن الله غفور رحيم".
سورة البقرة 226:2




ما هي القوانين التي تحدد مظهر المرأة في الأماكن العامة؟
• يأمر الإسلام المرأة أن تتحجب وهي خارج المنزل (وداخل المنزل فى بعض الأحيان).

"وقل للمؤمنات يغضضن من أبصارهن ويحفظن فروجهن ولا يبدين زينتهن إلا ما ظهر منها وليضربن بخمرهن على جيوبهن ولا يبدين زينتهن إلا لبعولتهن أو آبائهن أو آباء بعولتهن أو أبنائهن أو أبناء بعولتهن أو إخوانهن أو بنى إخوانهن أو بني أخواتهن أو نسائهن أو ما ملكت إيمانهن..."
سورة النور 31:24

"يا أيها النبي قُل لأزواجك وبناتك ونساء المؤمنين يدنين عليهن من جلابيبهن ذلك أدنى أن يعرفن فلا يؤذين وكان الله غفوراً رحيماً".
سورة الأحزاب 59:33


الجنس والزواج


كم من الزوجات يصرح للرجل المسلم أن يتزوج؟
• يصرح الإسلام بتعدد الزواج، فيحل للرجل أن يتزوج من النساء ما يصل إلى أربعة في الوقت الواحد.

"... فأنكحوا ما طاب لكم من النساء مثنى وثلاث ورباع".
سورة النساء 3:4

ملحوظة: أعطى لمحمد نبي الإسلام إمتيازات خاصة في هذا الأمر، فقد صرح له أن يتزوج بأي عدد يشاء من النساء، وفي الواقع كان لمحمد مالا يقل عن 13 زوجة ماعدا السرائر.

واحدة من هؤلاء الزوجات كانت عائشة التي تزوجها ولم تبلغ بعد سن التاسعة من عمرها بينما كان محمد في سن الثالثة والخمسين. وزوجة أخرى - وهي زينب بنت جحش – كانت قبلاً زوجة إبنه بالتبني زيد. عندما رأى إبنه أن محمداً يرغب فيها طلقها كي يستطيع محمد أن يتزوجها.



ما هو دور الزوجة الجنسي في العلاقات الزوجية طبقاً للإسلام؟
• يعتبر الإسلام الزوجة أداة للمتعة الجنسية بالنسبة للرجل.

"نساؤكم حرث لكم فاتوا حرثكم أني شئتم".
سورة البقرة 223:2



هل يسمح الإسلام بالطلاق؟
• يحق للزوج أن يطلق زوجته بمجرد الإعلان الشفوي. وليس للزوجة نفس هذا الحق طبقاً للقرآن.

"عسى ربه أن طلقكن أن يبدله أزواجاً خيراً منكن..."
سورة التحريم 5:66



هل يجوز للزوج أن يعود لزوجته بعد أن يطلقها؟
• إذا طلق رجل إمرأته بالثلاث فلا يحل له أن يعود إلى زوجته إلا إذا تزوجت وطلقت من رجل آخر يسمى (المحلل) بما في ذلك ممارسة الجنس معه.

"الطلاق مرتان فإمساك بمعروف أو تسريح بإحسان..."
سورة البقرة 229:2

"فإن طلقها فلا تحل له من بعد حتى تنكح زوجاً غيره فإن طلقها فلا جناح عليهما أن يتراجعا إن ظنا أن يقيما حدود الله".
سورة البقرة 230:2


طبعاً دى مش انا اللى كاتبها شوفو بقى انهى احسن وجهة نظرى و لا دى
و يا اللى بتقرا دلوقتى قول رأيك تحت و متقراش و تكت

احمد المصرى
الرجوع الى أعلى الصفحة اذهب الى الأسفل
http://elraeq.mam9.com
ضى القناديل
عضو جديد
عضو جديد
avatar

عدد المساهمات : 16
تاريخ التسجيل : 30/01/2010
العمر : 107

مُساهمةموضوع: رد: العلاقة بين الرجل و المرأة   الثلاثاء فبراير 23, 2010 7:53 pm

السلام عليكم ورحمة الله وبركاته
للمره الثانيه جانبك الصواب ولكن فى هذه المره لم يجانبك فقط بل تباعدتم بعد المشرق والمغرب واستاذنك ان اطيل عليك واناقشك فى كل كلمه وارجو ان تقرا ردى بتانى
اولا:: هل تتساوى المراءه مع الرجل؟؟
للذكر مثل حظ الانثيين
ولكن يا اخى لا تنسى فللذكر مثل حظ الانثيين سواء كان ارث او دين فاذا كان المتوفى الاب مثلا وترك الف وخمسمئه جنيه فللولد الفو للبنت خمسمئه واذا كان مدين بالف وخمسمئه فعلى الولد الف والابنه خمسمئه وهذا علد الحق تبارك وتعالى بالاضافه الى ان الانثى شرعا مسئوليه مسئولية كامله من اخيها او عمها او وليها بعد وفاة ابيها اى على الذكر الوارث كسوتها واطعامها وملبسها وتزويجها دون ان يمس مالها باى شكل من الاشكال ولا تنسى فى حالات كثيره قد غابت عنك ترث فيها المرءاه نفس ارث الرجل وحالات ترث فيها اكثر منه ** راجع معلوماتك فى الارث **
ثانيا: شهادة امراءتين
وهذا ليس طعنا فيهم بالكذب ولكن اخى الحبيب اثبت العلم الحديث ان النساء بعد الولاده تفقد التركيز وتنسى بعض الاشياء تماما وان تاثير عمليه الولاده وه وتزداد اذا تمت بعمليه جراحيه واحتاجت الى تخدير يؤثر على ذاكرتها بعض الوقت او قد تنسى اشياء تماما ولذلك قال الحق تبارك وتعالى
ان تضل احداهما فتذكر احداهما الاخرى ولم يقل ان تكذب او تزور
ثالثا : لم يعتبر المراءه متاعا ولكن تساوى الاثنان مع الاخذ فى الاعتبار ان الرجل اكثر شهوه وحبا للجنس فميله للجنس اكبر بكثير من المراءه ولذلك هو لا يصبر ولا يطيق صبرها وهو اشد منها شوقا ورغبه للجنس واضعف منها واسرع للاثاره وليس ميزه فيه
و Very Happy
اما نقطه ان لمس النساء ناقض للوضوء فوجهة نظرك غريبه
فاذا كانت المراءه غير طاهره فكيف لها ان تتوضا وتصلى
لكن الحكمه يا اخى كما سبق وذكرت ان الرجل سريع الاثاره بمجرد لمس المراءه قد يثار جنسيا مما قد يسبب فى نقض وضوءه وايضا انها درء للشبهات علما من الله عز وجل بضعف الرجل و سرعه استثارته جنسيا Laughing
لعلك فهمت ان لمس المراءه سبب لاثارته وليس بيدها طاهرته من عدمها
اما عن عقاب الزوج للزوجه والعكس واكرر والعكس ولهن مثل الذي عليهن بالمعروف من حق المراءه هجر زوجها فى الفراش تاديبا له وتركيبه الرجل التشريحيه والهرمونيه قد يؤدى به هذا العقاب اكثر من اى ضرب وسبحان الله فقد حدد الله عز وجل الضرب للائى يخافو نشوزهن فقط ولكن يختلط الامر خلطا ساذجا للعامه لكم الله يا رجال هذا الزمن فى تفسيركم للقران حسب هواكم
اما والذين يؤلون من ازواجهم هذه احكام للمراءه حتى تتربص بنفسها قبل الزواج للتاكد من عدم الحمل من زوجها قبل ان تنكح زوجا غيره ضمانا لعدم اختللاط الانساب وليس للمراءه او الرجل طولا غير ان المراءه تحمل اما الرجل فلا
اما تشريع الحجاب فرحم الله عمر بن الخطاب اول من طلب من النبى حجب امهات المؤمنين لانهم يتحدثون الى من هو بر وفاجر اى هو حمايه للمراءه من الفجره من الذكور والرجال فهل سيدى الفاضل اذا اكرمك الله بجوهرة ثمينه وقطعه زجاج ايهما تستر وايهما تعرضه للعامه ؟؟؟
تعدد الزوجات فقد حدده الله باسباب والحمد لله فالحق تبارك وتعالى خلق الانثى ويعلم حياؤها وخجلها وقناعتها فهى دوما تكتفى بزوج واحد وغالبا اذا مات عنها لا تفكر بالزواج مره اخرى فهى طبيعه انسانيه فيها وهو القناعه واكررررررر ليس بها الشوق والنهم الجنسى عند الرجل فسبحان الله لا ناخذ لها او عليها امور تشريحيه قد تبدو فى ظاهر الامر ضعفا وف مكنونه تكريما وتشريفا و رقى انها لا تعدد ولا تميل الى اكثر من رجل ولا تستطيع ان تعدد علاقتها وهذا ما ترفضه الفطره وحياؤها وشرفها
اما عن الطلاق فالخلع سيدى نفس الحق ولا انت لسه متعرفش ان فى خلع وهو من الاسلام بالاضافه الى امكانيه ان تكون العصمه بيد الزوجه هذا متبع فى بعض مناطق العراق او العقد المشروط وراجع زواج اروى وابى جعفر المنصور
اما عن المحلل فياترى اي حال افضل زوجه فى بيت زوجها الثانى على سنه الله ورسوله فكل امرها حلال لا يعيبها ولا يقلل من شانها اما الزوج الاول ويالموقفه الصعيب
فزوجته وام ابناءه فى بيت رجل غيره اى اذلال و تايب وسبحان من شرع هذا القانون تاديبا لمن يستخدم الطلاق باسراف فسبحانه يذله ويكسر انفه ويشعر فداحة خطئه وهو يشعر ان زوجته ام ابناءه اصبحت لرجل غيره فاذا ارادها فلينتظر حتى تطلق او يموت عنها اليس هذا تكريما تشريفا للزوجه وتاديبل للزج الذى يسف فى الطلاق
اختم حديثى بحديث سيد الخلق لما فيه من حكمه وتنبيه
الْمِقْدَامِ بن مَعْدِي كَرِبٍ رَضِيَ الله عَنْهُ، أَنّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَامَ فِي النَّاسِ فَحَمِدَ اللَّهَ وَأَثْنَى عَلَيْهِ ثُمَّ قَالَ: "إِنَّ اللَّهَ يُوصِيكُمْ بِالنِّسَاءِ خَيْرًا، إِنَّ اللَّهَ يُوصِيكُمْ بِالنِّسَاءِ خَيْرًا، فَإِنَّهُنَّ أُمَّهَاتُكُمْ وَبَنَاتُكُمْ وَخَالاتُكُمْ، إِنَّ الرَّجُلَ مِنْ أَهْلِ الْكِتَابِ يَتَزَوَّجُ الْمَرْأَةَ وَمَا تُعَلِّقُ يَدَاهَا الْخَيْطَ، فَمَا يَرْغَبُ وَاحِدٌ مِنْهُمَا عَنْ صَاحِبِهِ حَتَّى يَمُوتَا هَرَمًا". أخرجه الطبرانى (20/274 رقم 648) وابن عساكر في "
قال رسول الله صلى الله عليه وسلم: "خيركم خيركم لأهله وأنا خيركم لأهلي
" رواه الترمذي.
حقا ما اكرمهون الا كريم وما حقرهن الا لئيم

(أوصيكم بالنساء خيراً
الرجوع الى أعلى الصفحة اذهب الى الأسفل
بلا اسم
عضوة مميزة
عضوة مميزة
avatar

عدد المساهمات : 222
تاريخ التسجيل : 16/11/2009

مُساهمةموضوع: رد: العلاقة بين الرجل و المرأة   الأربعاء فبراير 24, 2010 10:38 pm

بسم الله الرحمن الرحيم و الصلاه و السلام على خير المرسلين

انا باحى طارح الموضوع و ناقله على فرصه اننا نتطلع على افكار مغلوووووووووووووووووووطه و ربما مغلوطه عن قصد و فعلا احيك يا احمد لانك عرضت لنا فكر مشوش لاطراف اخرى


ثانيا ردى حاضيف فيه اضافات الى جانب رد الاخت ضى لانى فعلا بشكرك ضى على ردودك الصادقه فى موضوع الارث و الشهاده


اولا : للرجال عليهن درجه
لك الحمد يارب بان ذكرت قبلها لهن مثل الذى عليهن فقد بين ان لهن كامل الحق مثل ما عليهن و هذه اشاره للعلاقه الطبيعيه بين الزوج و زوجه فاشار الى كامل حق المراه فى المتعه و ليس فى ان تكون متاع و لكن اخذ بعين الاعتبار ان الرجل اكثر شهوة فللرجال عليهن درجه الايه الحمد لله بتعطى كل ذى حق حقه يعنى ايه عدل رحمة و ليس ايه تفريق و تعلية حق فوق حق
و عن الارث و الشهاده فالقول ماقالت اختى ضى جزاها الله خير


المراه متاع:
الايه الكريمه بتقول زين للناس حب الشهوات من النساء و البنين و القناطير المقنطره

لم تقل للرجال ؟ لم ؟ و ذكرت الوانا من المتع و النعم و كلها نعمم جليله مثل الابناء و الاموال و كلنا يسعى اليها بل و يتمناها وو ليس اى دليل على ان تلك النعم معيوبه او يعيبها كونها نعم

و كلمة الناس اشاره للجنس البشرى و ليس لنوع فحب الشهوات محبب للرجال و للنساء لكن ذكر الله حب الرجال للنساء و لمم يذكر العكس حرصا على عفة المراه
كان ممكن ان يذكر زين حب الشهوات ممن الرجال و النساء و لكنه امر معروف ضمنيا غير مظهر تكريم و تشريف
فمعوف ان الزوج و الزوجه كلاهما متاع لصاحبه و لكن سبحان من خلق فلطف و علم فستر النساء بالحياء


المراه غير طاهره:

الحمد لله الذى طهر المراه بالاسلام و لم تكن شيئا مذكورا قبله فلم تكن الا فعلا متاع
و لن اتحدث عن طهرها الا بحديث ستنا عائشه :
قالت كان رسولى الله يقرا القران و راسه فى حجرى و انا حااااااااااااائض
ابعد هذا يعتبرها غير طاهره؟

و لى سؤال لو امراه على وضوء و تلامست هى وزوجها فماذا تفعل ؟
تذهب لتصلى فهو طاهر ؟ ؟؟؟؟؟؟؟؟؟؟؟
ديننا دين عقل لا نقل
الامر فى تلك الايه اشاره الى الطهاره لم لامس صحبه فنقض وضوءه بغض النظر عن نوعه


عقاب المراه:
للمراه ا تعاقب زوجها نفس العقاب سبحان الله
فقد اكد الفقهاء ان الزوج التارك للصلاه يجب على الزوجه ان تمتنع عن معاشرته حتى يعود للصلاه
فالعقاب بالحرمان مشروع لكلاهما
و ياريت نلاحظ التتابع اللفظى (( فعظهون ) طيب و اذا لم تتعظ (( فاهجرهن )) و لا الافضل نتركها على حالها


الحجاب:
اى حجاب هذا داخل منزلها ؟ لم يامرنا الا بالحجاب خاجه و ليست نقطه نقاش
لان المراه المسلمه تعرف كيف صانها حجابها من كل نظره فاجره و لا مجال للنقاش لانه افتراء فلم نؤمر بالحجاب فى منازلنا و لكن امرنابان نقر فيها و هذا ايضا لنساء النبى رضى الله عنهن
و حقا اسال كل اجل اخ او اب او زوج الم يصن الحجاب عرضك و شرفك ؟
الم تطمئن و زوجتك بجواك فى حجابها مصانه من كل نظره خبيثه ؟



التعدد =ر حمة

لمن اراد ان يتحدث عن التعدد فلنعود الى قوله تعالى
فان خفتم الا تعدلوا فواحده
الشرط موجود و ده شرط الهى مش شرط اب او اخ
و لناتى للعدل
سال رجل عمر بن الخطاب كيف اعدل قال له
اذا قبلت احدهم فعليك ان تقبل الاخى نفس القبه
فللنظر لهذا العدل حتى لو قبل احدهن عن حب فعليه ان يقر عين الاخريات بنفس القبله و ان كانت عن غير حب ؟
هذا العدل و هذا الشرط
و التعدد موجد من قبل الاسلام
فكان للرجل 300 جاريه افبعد ان كرمنا بحق مشروط نقول تعدد؟


زوجات النبى :

لمن اراد ان يتحدث ان يقرى قبل ان يتحدث
فزوجات النبى كلهن زواجهن كان بحكمة و علة تشرف امة الاسلام الى يوم الدين
و لزواج عائشه و هى بهذا العمر فاظننا نعلم جميعا ان هذا عمر زواج البنات فى تلك الارض و هذا الزمن
اذكر قول احدى زوجات الرسول عندما اراد ان يتزوجها بعد موت زوجها و تركها ارمله معيلهه
فقالت انى امراه مسنه ،جده و قد لغت الثلاثين ، انى اغير من الصغيرات
فلنحسبها جده فى الثلاثين ؟
و زواجه من زينب بنت جحش لم يكن لانه يرغبها فلعن الله من قال هذا و صوره بانه رغبها لنفسه
اسمع قول الشعراوى
انها كانت بمثابة زوج ابنه فلما ذهب اليه لم يكن بالدار ، فقامت تجرى ملهوفه فسالها هل زيد بالبيت فابت ان ترد حتى يدخل
فلما دخل و قد انحصرت ثيابهاا قال كما يقال اى حمى
تباك الله احسن الخالقين
و لم يميل اليها رحمة الله الشيخ الشعراوى
و لعلة زواجه منها حكمه جليه لا مجال لذكرها لانها اعظم من ان اتوقف عندها فى رد


العلاقه الزوجيه :
لن ازيد عن قوله صلى الله عليه و سلم
(( لا يقع احدكم على امراته كالبعير و لكن بينهما رسول قيل و ما الرسول يا رسول الله ؟ قال القبلة و الكلام
فلو ان المراه متاع و مجرد متعه له ما اهتم التوجيه النبوى باهميه تعليم الصحابه رحمتها و الاشفاق بها و التمهيد لها
طالما هى متاع لا حق له و لا مطلب


الطلاق:

يحق للزوج ان يطلق زوجته بمجرد اللفظ ، و ان كان للاسف الايه المكتوبه فى هذا الجزء تدل على جهل قائلها فهى ايه خاصه بالنبى
و لكن ماعلينا هل اغفل الذاكر حق المطلقه ؟ متاع بالمعروف
بمعنى اذا وقع الطلاق فعلا فللمراه حق على المطلق
منها ما تسميه المحاكم نفقه متعه
و المشرع اجاز لها الحق فى اثاث بيت الزوجيه ،
و سبحان من قال و يغنى الله كل من سعته
بمعنى عسى الله ان يبدلها و يبدله بزوج و زوجه اصلح لكاهما
و لا ننسى الخلع و هو حق شرعى اسلامى
شرعها الله فى اسلامنا و تحايل اصحاب ملل اخرى للاقتباس منه


المحلل :
المحلل قضيه طيبه و جميله
اوقفت الرجل على صفيح ساخن فلم يعد لفظ الطلاق لعبه
لا فالله جعل لكل شئ حدود فالمراه ليست لعبه يطلقها ثم يردها ثم يطلقها كيفما شاء
لا فله حدد و الحد هذا ثلاث طلقات
حتى يمسك لسانه اذا طلق ، فان طلقها ثلاث فلا تحل له
الا اذا نكحت زوجا اخر و لهذا الزواج شروط
ان يكون زواج نيته الديمومه اى ليس زواج لتحليل فهذااااااااااا حراااااااااااااااااااااااام
ثانيا ان تعاشره فى تلك المده
اذن فالزوج الاول لا يعود لها الا بعد اذا تزوجت من اخر زواج شرعى كامل قائم
فاذا طلقت من الثانى فلها الحق فى ان تعود للاول
و لكن لها ان يعلم انها كانت زوجه مصونه فى بيت رجل غيره و ادبه الله بنار تلك الغيره
و عليه ان يمهرها مهرا جديدا
اذن فالمحلل فعلا حق من حقها و تاديب للرجل
[b]
الرجوع الى أعلى الصفحة اذهب الى الأسفل
 
العلاقة بين الرجل و المرأة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Egyptian guys forum :: الـمـنـتـدى الـشــبـــابـى الــعـــام-
انتقل الى: