مخطط الاعداء

انا غير مقتنع تماماً لعدة اسباب :
1\ اللى بيحصل هنا دا حصل فى تونس لم نشهد اى تدخل من قبل اى سلطة اجنبية على الرغم ان تونس هتبقى فريسة اسهل من مصر .
2\ دى حاجة تلقائية حصلت بعد احداث تونس
3\ الدعم هو دعم ذاتى دا بالنسبة لبتوع ميدان التحرير و متصدقيش اى حد يقولك كنتاكى انا شوفت بنفسى ان مفيش اى كنتاكى .
4\ المؤامرة يتضح دلوقتى انها مش منظمى المظاهرات و انها من النظام علينا احنا بدليل الناس اللى ماتت و الناس اللى اصيبت الشرطة فعلاً كانت بتضرب فى الناس و انا شاهد عيان برضو .
5\ نزول الجيش للشارع مش اول مرة يحصل حصل قبل كدا فى 86 وقت تمرد الامن المركزى و فى الوقت دا برضو اسرائيل مستغلتش الموقف و لا امريكا ايه اللى هيخليهم يدخلو دلوقتى ؟
6\ اجانب ايه اللى انتِ بتصدقى ان هما اتقبض عليهم دول ؟ دى كلها اوشاعات .
7\ الاصرار على شخص الرئيس مبارك لان النظام متغيرش فعلاً بيقولك شالو حرامية جابو حرامية تمثيلية فى تمثيلية ...... الاصرار على نقل السلطة دلوقتى لان هو لو عدى اليومين دول و مسبهاش و الناس بتوع الميدان دول مشيو تانى يوم هيعلق المشانق .
8\ حشود اسرائيلية ايه ؟ و اسطول سادس عشر ايه ؟ دى كلها اوشاعات .
9\ بالنسبة للموضوع بتاع البرادعى و العراق دا اشك فى صحتو لان انا كنت عارف ان هو قال ان هو مفيش سلاح نووى فى العراق هو و الوكالة و امريكا خدت كلامو و ضربت بيه عرص الحائط و عموماً الكلام دا ممكن تتأكدى منو من الموسوعة الحرة او من اللينك دا ع اليوتيوب
[ندعوك للتسجيل في المنتدى أو التعريف بنفسك لمعاينة هذا الرابط]
تحت اى وضع يعنى طظ فى البرادعى انا مش بشجعو بعد اليومين اللى فاتو دول دا راجل بتنجان مولة
سلام يا باشا

اشكرك يا احمد
الحمد لله انك بخير و اوعى تكون معتصم
للاسف يا احمد فى ميدان التخخرير انا مش شاهد عيان انا مستمعه لاطراف متعدده
اما عن وجود اجانب فده اعلنوا ناس من الشباب نفسهم
و اعلنه حزب الله فى طى حديثه
و كذلك وجود مؤكد لحركه حماس
و لو ضربنا بكل ده عرض الحائط فانا عن نفسى لى سؤال
1- ايه مطالب المعتصمين و ايه طريقتهم لتوصيلها
الا لو كان مطلبهم الاول رحيل الرئيس كنوع من انواع المكاسب اللى تزود موقفهم
و لو هم اخوان بنسبه 60% كما يقال فمطالبهم مش مطالب اهل مصر لا مسلمين و لا اقباط
و لوالحال كما يدعى البعض انهم شباب و ثورة عفويه فما معنى التضامن المنفر للجزيره و ايران و حزب الله الا لو كان حب مصر و احنا مش واخدين بالنا
محدش انكر على الشباب ثورتهم لكن ما انكرناه التمسك الغير مبرر بمطلب واحد
ماذا لو رحل مبارك ؟ ااؤكد لك انهم لن يرضوا ابدا لا به و لا ببديل و سيظل الاعتصام كلوى ذراع و الهدف مش مفهوم
و رغم انى مش شاهد عيان لكن اعرف بعض ممن اعتصموا و مازالوا

يكفى الوضع الان كرد على كلامك
بس بالنسبة للموضوع بتاع حزب الله و ايران فدا طبيعى ان هما يكونو فرحانيين لان هما مكنوش متفاهميين مع النظام القديم يكفى ان ايران ملهاش هنا لغاية دلوقتى سفارة
عموماً انا مش بدافع عن حد منهم طظ فى ايران و طظ فى الحزب