Egyptian guys forum

We express honestly and openly about the reality of the Egyptian youth
 
الرئيسيةالرئيسية  البوابةالبوابة  اليوميةاليومية  مكتبة الصورمكتبة الصور  س .و .جس .و .ج  الأعضاءالأعضاء  بحـثبحـث  المجموعاتالمجموعات  التسجيلالتسجيل  دخولدخول  

شاطر | 
 

 ماذا تفعل لو كنت غنى ؟.. سؤال طالما تردد فى الاذهان ..

اذهب الى الأسفل 
كاتب الموضوعرسالة
احمد المصرى
مدير عام
مدير عام
avatar

عدد المساهمات : 161
تاريخ التسجيل : 10/11/2009
العمر : 26
الموقع : القاهرة

مُساهمةموضوع: ماذا تفعل لو كنت غنى ؟.. سؤال طالما تردد فى الاذهان ..   الإثنين نوفمبر 16, 2009 7:31 am

تصور كده معايا ان هبط فوق دماغك شوال مليان فلوس ، لا ليه صاحب و لا حد وراه بيحوس ، فلوس كتير تنوّر عتمة الفقر زى الفانوس ، كنت هتعمل ايه ؟
اكيد هتبعد عن اصحابك التيوس ، و حتسيب مراتك اللى عمله زى الجاموس ، حتشترى فيلا ؟ .. حتسافر امريكا و تقابل الشيلا ؟ .. طب و بعدين .. برضه مش مبسوط ..

ااه .. يبقى حتشترى عربية كبيرة .. فخمة .. و شرحه .. و برحه .. و بالتكييف و السنترلوك .. و طبعا بأه يا عم هيبقى جنبك امورة لبسه الملزق و المحزق و اللى بالى بالك .. برضه مش مبسوط ؟

حاتبنى شركة ؟ .. مصنع ؟ .. سينما ؟ .. ملاهى ؟ .. مطعم ؟ .. طب مش جايز تخسر و تفلس ؟ .. برضه مش مبسوط ؟.. حاسس لسه بالنقص ؟ .. علشان كنت حقير و فقير و بتشرب من الزير ؟ .. كانت ايام بأه الله لا يرجعها

لازمك شوية برستيج ؟ .. يبقى مفيش غير السلطة .. ايه عاوز تبقى ايه ؟ .. ايه ؟؟!! .. انت عاوز تبقى رئيس جمهورية ؟ .. بعيد عن شنبك دا انت تبقى مجنون .. وزير ؟ .. بس يا عينى معندكش مؤهلات علمية
ملكش غير حل واحد .. تنضم لحزب .. الوفد ؟ .. الناصرى ؟ .. التجمع ؟ .. امال عاوز ايه ؟ .. ااه يا لئيم .. الحزب الحاكم اللى بيسموه الوطنى .. حرس بأه و بودى جاردات و تشريفة و منظره و هلما بأه .. برضه مش مبسوط ؟ .. طب تعمل ايه بأه علشان تبقى مبسوط ؟..

ما هى الفلوس نزلت على دماغك من غير ما تتعب فيها ، و اللى يجى بسرعة .. يروح بسرعة ، لازم تتعب .. تتحرك .. تجتهد .. تشغل مخك ..

انت تاخد تاكسى و تنزل بيه لاول بنك يقابلك .. لا تاكسى ايه .. انت تاخد التشريفة بتاعتك و معاك كده بتاع 4 و لا 5 مليون دولار .. تحطهم وديعة .. طبعا هيقولوا انك راجل شبعان و مليان و كلك حنان .. تانى يوم بأه .. تروح لمدير البنك نفسه .. تعيط له .. و تاخد منه قرض كده بقيمة 100 مليون دولار .. علشان يا حبة عين امك معندكش سيولة كافية ، اصلك حتفتح مشروع علشان البلد .. و ولاد البلد .. المحتاجييييين .. التعبانييييين .. المطحونييييييين .. و كله علشان اقتصادك يا مصر !

ايه ؟ .. عاوزين ضمانات ؟ .. يا رااااااااجل ما بين الخيّرين حساب .. فين باه هنا الثقة المتبادلة ؟! .. المهم بعد ما تقول الكلمتين الحمضانين دول و تتلايم على الفلوس ، تشحنهم على اول طيارة رايحة سويسرا .. و لا من شاف و لا من درى .. ايه بأه اللى مزعلك دلوقتى ؟ .. الصحافة وجعالك دماغك ؟ .. و بيلأحوا عليك بالكلام ؟ .. انت تسيبهالهم خضرة مخضرة .. و تاخد بعضك و تطير ورا الفلوس .. على اوروبا .. حيقبضوا عليك ؟ .. مش مهم ديتها 10 و لا 15 سنة و تتطلع من السجن و تتمتع بالفلوس و ساعتها حتحس بقيمتها ، و بانك تعبت و اتبهدلت علشان تعملهم .. هو النصب و الاحتيال ده حاجة سهلة ؟! .. ده شىء صعب ميقدرش عليه غير واحد محترف .. و هو اسمك قضيت ايام حلوة كلها عز و فخفخه .. و ولادك عايشين برّه دلوقتى يحرسوا الفلوس و يشغلوها و يتمتعوا بيها زى الملوك لغاية ما ترجعلهم .. ها مبسوط دلوقتى ؟

ما هو اللى سابقوك برضه مبسوطين دلوقتى ..
الرجوع الى أعلى الصفحة اذهب الى الأسفل
http://elraeq.mam9.com
HeShOoO
عضو جديد
عضو جديد
avatar

عدد المساهمات : 11
تاريخ التسجيل : 12/11/2009

مُساهمةموضوع: رد: ماذا تفعل لو كنت غنى ؟.. سؤال طالما تردد فى الاذهان ..   الثلاثاء نوفمبر 17, 2009 4:58 am

انا لو لقيت شوال فلوس هجيب جبل حشيش واعد اشرب فيه دماغى فاضيه صح [ندعوك للتسجيل في المنتدى أو التعريف بنفسك لمعاينة هذه الصورة]
بس بجد يا احمد انتا تعبت فى الموضوع ده والمنتدا بتاعك جميل اوى [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
ايمي فلسطين
عضو
عضو
avatar

عدد المساهمات : 42
تاريخ التسجيل : 25/11/2009
العمر : 29

مُساهمةموضوع: رد: ماذا تفعل لو كنت غنى ؟.. سؤال طالما تردد فى الاذهان ..   الجمعة ديسمبر 04, 2009 3:35 am

Very Happy ههههههه موضوع جميل يا احمد

سلمت ودمت بكل الود




تحياتي لك
اختك ايمي
الرجوع الى أعلى الصفحة اذهب الى الأسفل
احمد المصرى
مدير عام
مدير عام
avatar

عدد المساهمات : 161
تاريخ التسجيل : 10/11/2009
العمر : 26
الموقع : القاهرة

مُساهمةموضوع: رد: ماذا تفعل لو كنت غنى ؟.. سؤال طالما تردد فى الاذهان ..   الجمعة ديسمبر 04, 2009 3:49 am

الف شكر ليكى يا ايمى على الرد ...

بس انا يا ايمى عايز ردودك يبقى فيها اقتراحات يبقى فيها مناقشة ...
عايزها تبقى ردود ساخنة تضيف لينا مش مجرد شكر

لازم فعلياً يبقى فى ايمان بالقضية يا شباب ارجوكم لازم يبقى فى ايمان باهمية الموضوع يا شباب ...

اخوكم احمد المصرى
الرجوع الى أعلى الصفحة اذهب الى الأسفل
http://elraeq.mam9.com
ايمي فلسطين
عضو
عضو
avatar

عدد المساهمات : 42
تاريخ التسجيل : 25/11/2009
العمر : 29

مُساهمةموضوع: رد: ماذا تفعل لو كنت غنى ؟.. سؤال طالما تردد فى الاذهان ..   الجمعة ديسمبر 04, 2009 4:07 am

والله يا احمد معاك حق

والحال ده مر وتكرر ولا من مبالي واحنا لو تكلمنا كلامنا مش هيفيد وطبعا الساكت عن الحق شيطان اخرس ولكن لو عبرت بقلمك هيقولو هاوي ولو رفعت صوتك هيقولو مجنون

فالافضل لنا ان نرى ونتكلم بسر انفسنا فالحال والله معدش بيتسكت عليه والكل فاكر ان الفلوس هي الي بتعمل الرجاله وبتصنعهم

لكن لو بصينا هنلاقي ان الراجل هو الي بيصنع الفلوس مش هي الي بتجيب الراجل ومش اي انسان معاه فلوس بيكون راجل وجابها من تعبه ومن شقاه

في كتير منهم زي ما قلت الفلوس نزلت عليهم من حيث لا نعلم لكن هم يعلمون

والنصب والاحتيال بكل مكان هؤلاء هم الاسياد والباقون من الشعب




سلمت ودمت




ايمي
الرجوع الى أعلى الصفحة اذهب الى الأسفل
 
ماذا تفعل لو كنت غنى ؟.. سؤال طالما تردد فى الاذهان ..
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Egyptian guys forum :: الـمـنـتـدى الـشــبـــابـى الــعـــام-
انتقل الى: